Ný byrjun

Já sæl veriði kæru vinir! Það er orðið allt of langt síðan síðast og nóg búið að gerast. Að telja það allt upp gæti orðið ansi erfitt en ég ætla að skrifa um nokkra hluti:)

Við giftum okkur í svakalegu rigningarveðri 15.júlí í Lágafellskirkju en tókum ekkert eftir vatsdropunum sem dundu á kirkjunni á meðan á athöfninni stóð, hefðum allt eins geta verið í sól á suður-Spáni eða í kúluhúsi á Grænlandi, því öll athyglin var annars staðar. Eftir athöfnina var haldið í veisluna þar sem við borðuðum góðan mat og sungum nokkur lög með vinum og fjölskyldu, takk öll fyrir síðast :)

Við fórum aðeins í sumarbústað daginn eftir þar sem Freyja fékk að prófa að fara í nuddpott, hún var alveg rosalega hrifin af þessu stóra baði og hefur verið í einskonar uppreisn gegn litla baðinu sínu alla daga síðan :D

Svo helgina eftir fórum við norður í Vatnsdal að skoða lítið sumarhús sem er komið á litla landskikann sem er enn í eigu fjölskyldunar. Þar elti ég tvær árans kindur sem höfðu verið að japla á trjánnum í jörðinni.

Það er fullt annað búið að gerst en ég held að það sé bara sniðugast að koma þessum myndum út og síðan byrja ferskur næsta sunnudag með vikulegu pistlana. Vonandi að maður nái að gera þetta vikulega aftur.

Svo skelli ég inn myndum úr athöfninni og veislunni þegar við fáum þær. Kannski skannar maður inn eina mynd eða tvær úr myndatökunni líka, sem við fáum um miðjan mánuðinn.

Hér eru rosalega margar myndir og vídeó:





Með því að setja músina yfir myndirnar getur maður séð hvað myndefnið er, en það virkar bara í explorer af einhverjum ástæðum :( Afhverju sleppti Opera alt textanum..?

Við biðjum að heilsa ykkur öllum og heyrumst fljótlega,
Elín, Kári og Freyja

Brúðkaupið!

Jæja kæru vinir, við þökkum öllum fyrir yndislegan gærdag. Í dag er sól þannig að við erum á leið upp í sumarbústað. Ég reyni að setja inn myndir í vikunni, annars verður þetta kannski í fyrsta skipti þar sem ekki verða myndir settar inn á sunnudegi, vonandi fyrirgefst það :D

Heyrumst fljótlega,
Hjónin Elín og Kári ásamt Freyju litlu :)

kári steggur og freyja skvísa

Já núna er farið að styttast í brúðkaupið hjá okkur að við höfum verið hálf léleg í að taka myndir, en sem betur fer tókum við nokkrar og svo voru til aðrar sem voru teknar á myndavélina hans Gísla Ragnars.

Síðasta vika fór í mikið brúðkaupsstúss, við kíktum í heimsókn til prestsins og skoðuðum salinn sem veislan verður í. Pöntuðum matinn og kökuna og keyptum skreytingar á borðin, blómin og Elín hélt áfram að klára kjólinn sinn. Þetta er sem betur fer allt að smella saman og vonandi verður þetta allt rosa fínt að lokum.

Vinir mínir ákváðu að steggja mig á föstudaginn, það fór allt rólega fram sem betur fer; við byrjuðum upp úr 5 að spila fótbolta við Þorragötuna þar sem 2 leikir voru spilaðir(ég var í bæði skiptin í tapliðinu), eftir það var farið í Vesturbæjarlaugina í heita potta og eimbað. Strákarnir voru svo búnir að panta borð á Horninu þar sem við borðuðum dýrindis pizzur. Eftir það tók við smá pöbbarölt og ég var kominn frekar snemma heim. Ég hef síðan verið með harðsperrur í vöðvum sem ég vissi ekki einu sinni að væru í líkamanum... :D

Við fórum með Freyju í heimsókn til langafa og langömmu í Kópavoginum í dag í hádegismat, þau voru hress og Freyja var góð eins og alltaf.

Hér eru myndirnar; Freyja á bleyjunni í sófanum hjá afa og ömmu, Freyja með tannburstann sinn, með mömmu sinni, hjá langömmu Fjólu, að lúlla hjá afa Ragnari, með bangsa í bílstólnum, eitthvað að smakka, hvað er að gerast hér?, að skoða skyrlokið, með langömmu Hönnu Mörtu, með langafa Binna, EKKI ánægð að þurfa að klæða sig...



Kossar
Elín, Freyja og Kári

P.s Til hamingju allir Ítalir sem eru að lesa bloggið :D

elín gæsuð og freyja 6 mánaða

Nú fer að líða að brúðkaupinu hjá okkur þann 15.júlí og vikan hefur farið mikið í alls konar stúss í sambandi við það. Við erum búin að vera að finna veisluþjónustuna, smakka brúðartertur, senda boðskort og finna skreytingar fyrir veisluborðin.
Af minni fjölskyldu í Englandi munu bara afi og amma koma í heimsókn og verður það rosa gaman að sjá þau tvö á þessum degi, við förum bara með Freyju í heimsókn til hinna einhvern tíma seinna.

Á föstudaginn varð Freyja hálfs árs! það er alveg ótrúlegt hvað tíminn hefur liðið hratt þessa fyrstu 6 mánuði Freyju. Þess má geta að Frikki vinur átti líka afmæli þennan sama dag; Til hamingju Frikki!!

Vera systir kom heim frá Frakklandi í síðustu viku og kíkti í heimsókn til okkar ásamt Kristínu og Ísak sem var nýbúinn að vinna leik með KR og var því í góðu skapi.

Ég var einn með Freyju í gærkveldi í fyrsta skipti á meðan vinkonur Elínar voru að gæsa hana. Það fór allt rólega fram og fóru þær með hana í fjöruna við Eyrarbakka og skáluðu í kampavíni áður en haldið var á veitingarhúsið Hafið Bláa og borðaður dýrindis matur. Stelpurnar fóru svo niður í bæ eftir það og Elín skemmti sér konunglega. Freyja var eins og engill hjá mér, borðaði graut og drakk brjóstamjólk úr pela auk stoðmjólkur svona rétt fyrir svefninn.

Myndir: 2 myndir af Freyju í fanginu á ömmu Rósu, með Ísak frænda, með Veru frænku, með ömmu Kristínu, grallarasvipur í dótakassanum, kósí hjá afa og ömmu og bangsa, mynd af tönninni, í baði með öndinni(já, ég þarf að fara í klippingu :D), stelpurnar að sækja Elínu, að dansa með pabba sínum.



Jamm og jæja, heyrumst fljótlega!
Kossar frá Elínu, Freyju og Kára