Freyja er farin að standa, en ekki alein...

Já síðan síðast er Freyja heldur betur farin að gera nýja hluti, hún stendur núna ein við borð, eða hillur eða hvað sem er í rauninni, og meðan hún var að æfa sig datt hún kannski svona 4 sinnum áður en hún varð vikilega stabíl. Núna stendur hún kannski við sófaborðið og tekur eitt skref til að komast að sófanum. Við Elín erum svakalega stolt auðvitað :D

Hún er farin að borða meira af mat núna líka, samt er hún stundum frekar matvond og hristir hausinn ef hún vill ekki eitthvað en svo þegar maður setur það í munninn á henni borðar hún það samt alveg :D Hún finnur bara að haushristið hefur einhver áhrif og þess vagna nýtir hún sér það eins og hún getur.

Hún segir mamamama og papapa og faðmar okkur og bangsana og segir ahhhh á meðan, það er sko ekki amaleg vekjaraklukka það :D þegar hún kemur uppí til okkar á slaginu 7:15 fáum við knús í svona 10 sek hvort og svo vill hún fara að gera eitthvað, þýðir ekkert að hanga lengur!

Á kvöldin klukkan átta er hún tannburstuð og sett í rúmmið, það er alltaf erfitt að skipta á bleyju (það er svo svakalega leiðinlegt, plús það er miklu skemmtilegra að vera berrassaður)en þegar í rúmmið er komið þá er fínt að fá smá sopa af mjólk, og svo bara leggst hún á hliðina og sofnar, ekkert mál þannig, stundum vaknar hún einu sinni til tvisvar á nóttu en venjulega sefur hún mestmegnis alla nóttina. Einu skiptin sem hún vaknar eitthvað að ráði er þegar hún er með smá magapínu eða eitthvað svoleiðis.

Nú er aldeilis farið að styttast í heimkomu, við ætlum okkur að koma heim þann 17.des og vera fram í byrjun janúar, það verður frábært að sjá alla aftur og sýna Freyju - smá mont hefur ekki skaðað neinn er það...smá bara :D

Hér er vídeó af Freyju að borða, hún er reyndar ekkert voða hrifin af kjötinu en er vel til í að fá sér nokkrar gular baunir :) Svo er veifað í endann. Þetta er pínu stærri fæll en venjulega, hann er 23,5MB, og mætti vera ljósari en kíkið endilega samt :)



Svo er annað að frétta að konan sem er að leigja okkur er búin að ákveða að hætta með kærastanum sínum (NB hún var búin að búa með honum í 2 mánuði...!) og er sem sagt búin að senda okkur uppsagnarbréfið, það er 3 mánaða uppsagnafrestur þannig að við höfum út febrúar til að finna eitthvað nýtt...Boring því við vorum rosa ánægð með þessa íbúð, konan ætlar samt að hjálpa okkur að finna e-ð nýtt, sem við og gerum :)

Jæja, kærar kveðjur héðan frá heitu Danmörku, það eru víst ennþá bananaflugur á lífi hér, það hefur aldrei nokkurn tíman gerst áður...enda er þetta búið að vera heitasti nóvember síðan sautjánhundruð og súrkál.

Kossar frá Kára, Elínu og Freyju prakkara

P.S Til hamingju með afmælið elsku mamma mín, extra kossar frá okkur til þín :)

Í heimsókn hjá Hilmari Viggó og haustkvefið

Já það er orðið svolítið langt síðan ég skrifaði síðast en það er líka vegna þessa að við litla fjölskyldan höfum verið hálf sloj síðustu vikuna, þetta haustkvef er að herja á okkur, nefrennsli, hósti og hálsbólga. Fyrst var það ég sem varð veikur, svo Freyja og loks Elín og við erum að jafna okkur í sömu röð :D

Já það er ennþá bara haust hérna í Köben, bara núna í þessari viku fóru laufblöðin virkilega að falla og nokkrir dagar af kulda komið inn, annars var frekar heitt í gær og það ringdi allan daginn alveg eins og hellt væri úr fötu. Við buðum Andra í alvöru sunnudagsmat; hamborgarhryggur með brúnuðum kartöflum, gular baunir, rauðkál og rauðvínssósa. Hann kom á hjóli (það tekur hann um 40 mín að hjóla frá Amager) og hann mætti bara full dressaður í regngalla, í stígvélum og alles - rosalega pro! :D





Freyja fór í síðustu viku, fyrir veikindin í heimsókn með mömmu sinni til Dóru sem á Hilmar Viggó. Freyja var alveg hrikalega ánægð með að fá loksins að leika sér með e-ð annað dót, og það var allt nýtt :D í hennar augum a.m.k. Svo var líka gaman að fá smá félagsskap frá jafnaldra, ég held að Hilmar sé um 3 mánuðum eldri en Freyja...afsakið ef ég er ekki alveg með það á hreinu...

Bjarni kom líka í heimsókn til okkar svona sitt hvorum megin við Gautaborgar ráðstefnu sem var í miðri viku. Við áttum þá 2 helgar saman og það var svaka fjör. Ég og Elín fengum sitt hvoran daginn með honum úti á lífinu og það var fínt, verst að það skuli ekki vera neinn hér til að passa svo við komumst bæði saman, en við fáum kannski smá hjálp um jólin með það ;) er það ekki?! :D

Það er helst annað að frétta að ég var að fá póst í dag með þeim fréttum að við Elín erum með borð á jólamarkaðnum hér í skólanum, Elín ætlar að selja griflurnar sínar þar og ég ætla að aðstoða hana við það :D hún situr nú öll kvöld og prjónar eins og hún eigi lífið að leysa...og samt ekki komin með leið á því :)

já þetta er nóg í bili, ég reyni að hafa aðeins styttra milli pósta næst.

Kossar og knús(ef Freyja hefur þolinmæði, ekki mikill knúsari nema þegar hún er nývöknuð)

Kári, Elín og Freyja

Freyja veik en orðin frísk aftur

Freyja var veik hérna úti í Danmörku núna í fyrsta skipti um síðustu helgi, það var pínu stress því a) hún hefur aldrei verið neitt veik áður og b) við þekkjum danska systemið ekki svo vel. Hér er smá veikindasaga:

Freyja var með smá hita á föstudaginn í síðustu viku, við ákváðum að kaupa hitalækkandi til vonar og vara því við vorum ekki viss um að það væri opið um helgina ef hitinn færi lengra upp. Þegar ég fór út í apótekið var mér sagt að ég ætti ekki að kaupa neitt án þess að tala við lækninn okkar fyrst. Ég tók þá ákvörðun að fara þá bara heim og sjá til með hitann því hann var ekki svo hár. Ég talaði aðeins við mömmu í símann og hún var að vinna með hjúkrunarfræðingi sem sagði að það væri allt í lagi að gefa Freyju hitalækkandi ef okkur fannst hitinn verða mjög hár. Ég hljóp þá aftur út í apótekið og keypti vægustu gerðina af panodil junior.

Um nóttina var hitinn kominn upp í 40 gráður og þá var okkur ekki sama, ég ákvað að hringja í læknavaktina hér, eftir að hafa beðið í 15mínútur og alltaf númer 20 í röðinni ákvað ég að hringja í Kjarra frænda sem er læknir, hann ráðlagði mér að gefa henni bara hitalækkandi stíl og bíða fram á morgun og þá fara með hana að hitta lækni. Þetta gerðum við og svo hringdi ég morguninn eftir og var þá númer 9 í röðinni en það gekk töluvert hraðar í þetta skipti. Í símanum var kona sem gef engin ráð heldur pantaði tíma fyrir okkur hjá lækni sem er nálægt okkur. Þangað fórum við með Freyju vel dúðaða í vagninum og biðum í 40 mín eftir að læknirinn sagði að allt væri í lagi og Freyja þyrfti bara að komast yfir þetta sjálf, ekki gefa henni neitt meira hitalækkandi. Það gerðum við og hún er orðin frísk núna aftur, sem betur fer var henni ekkert illt og var bara frekar kát allan tímann :)

Fyndið að hugsa til þess að svona lítill líkami ræður ágætlega við svona háan hita, hún var ekki að kvarta neitt litla krúttið, bara pínu lítil í sér stundum. Við fullorðna fólkið hins vegar, við myndum vera vælandi og skjálfandi undir sæng að fá fólk til að stjana við okkur; "ægh..mér er svo illt! Augun mín..buhuu" :D

Margrét(ömmusystir Freyju), Gunni(maðurinn hennar sem keyrði flotta kaggann í brúðkaupinu :D) og Kristín (dóttir þeirra) komu í heimsókn til okkar á laugardaginn í köku og svo borðuðum við saman, það var rosa gaman, gott líka að fá ráð frá móður um hitann hjá Freyju :)

Bjarni kemur á eftir og ég fer út á völl að sækja hann, hann kemur beint í jólabjórinn sem var að koma út í dag. Danir eru nefninlega með þá venju (fyrir þá sem ekki vita) að hver bjórverksmiðja er með sér jólabjór og það er haldið upp á það fyrstu helgina í nóvember. Það fara bókstaflega allir á fyllerí, sumir fara í bjórgólf þar sem farið er á 18 bari(9 fyrir byrjendur)og einn bjór drukkinn, það er alveg brjálað því jólabjórinn er 5.8% og því frekar sterkur :D

Freyja er orðin frísk aftur og voða spræk, alltaf í góðu skapi og til í glens, hún er líka greinilega mikill prakkari, ef maður sér hana að gera e-ð sem hún ekki má og segir "nei!" þá fer hún miklu hraðar og reynir jafnvel að stinga mann af :D og hlær hátt þegar maður nær henni :D

Jæja, nóg í bili,
þúsund kossar
Kári, Elín og fríska Freyja!

Bjarni og langamma i Illum

Já það hefur verið nóg að gerast hjá okkur hérna úti í Danmörku síðustu vikuna. Bjarni Bróðir hennar Elínar kom til okkar í 10daga og við áttum svo aldeilis góðan tíma saman, ég og Elín skiptust á að fara út með honum sem var fínt þó það hefði sko verið alveg frábært að hafa mömmu hérna til að passa a.m.k eitt kvöld svo við kæmumst öll saman út...en svona er þetta :D

Það tekur því varla að telja upp alla staðina sem við fórum á því þeir voru svo margir, en það voru tekin fín upprifjunarkvöld frá því að Bjarni var hér úti í námi, hann fékk okkur samt ekki til þess að fara á "all you can eat" mexikóska staðinn sem hann og Jói stunduðu stíft á sínum tíma :D

Amma mín og langamma Freyju kom með Birnu konunni hans Kjarra frænda til Danmerkur í ferð með Odd Fellow og við hittum á þær á laugardaginn. Við fórum á fínasta kaffihús sem er á efstu hæð í Illum verslunarhúsinu, þar er góð aðstaða fyrir börn og Freyja var sko mjög ánægð með að geta fylgst með krökkunum sem voru þar líka að leika sér.

Bjarni fór svo á sunnudaginn heim aftur en bara stutt því hann kemur aftur eftir 2 helgar á einhverja ráðstefnu og hátíð jólabjórsins :)

Í gærkvöldi buðum við Andra í heimsókn til okkar í smá mat sem lukkaðist bara ágætlega sem betur fer, fínasta kvöld :)

Hér að lokum er vídeó af Freyju að skríða á fulle fem, hún fer núna hvert sem hún vill - ekkert mál. Hún er ekki komin upp á hnén samt en hún er sterkí því að draga sig áfram.



Kærar kveðjur,
Kári, Elín og Freyja

Amma Björg og önnur IKEA ferð

Þá kemur nýr póstur, smá nýtt skipulag hjá mér, nú er myndin efst af albúminu sem myndirnar eru í, fólk ræður þá bara hvrn hlutinn það kíkir á fyrst :)

Mamma mín kom núna á miðvikudaginn síðasta og var hér þangað til í gær, það var alveg rosalega gaman að fá heimsókn til okkar í nýju íbúðina, við getum þá montað okkur af litla kotinu :D Freyja tók ömmu sinni strax rosa vel og brosti þegar hún sá hana koma út um hliðið á flugvellinum, þær voru síðan hinir mest mátar allan tíman sem mamma var hjá okkur.

Við Elín fengum þá pössun nokkrum sinnum meðan mamma var hér, einu sinni til að fara í IKEA aftur, því við vildum ekki gera Freyju það að taka hana með, henni leiddist svo mikið síðast. Þessi seinni ferð okkar heppnaðis mun betur því við fundum nánast allt (smá ósamkomulag um sjónvarpsborð, sem við ákváðum bara að geyma smá) og við komumst í gegnum búðarkassan án nokkurra visakorta vandamála :D

Við Elín fórum svo á föstudags-bar í skólanum hjá mér sem var bara ágætur satt að segja, síðastu árin hafa þeir verið frekar leiðinlegir en þetta var skemmtileg tilbreyting. Andri og Tinna og Janus komu líka og við spjölluðum aðeins frameftir. Á sunnudeginum fengum við Elín líka að kíkja aðeins á La Fontain, okkar yndlings bar :) þar var skemmtileg jazz hljómsveit að spila sem er líka sjaldgjæft :D

Við fórum á sunnudeginum með mömmu í dýragarðinn, Freyja svaf smá fyrst en svo vaknaði hún og við kíktum á fíla. Freyja var ekkert að taka eftir honum, hann var svo stór að ég held að hún hafi bara ekki áttað sig á því að þetta væri e-ð sem væri á lífi :D hún kíkti bara á runnann sem var fyrir framan fílasvæðið :D Í apahúsinu var hún ekkert mikið að skoða apana, það voru önnur lítil börn sem voru aðal málið þar, þannig að það vantar ábyggilega nokkra mánuði upp á að hún hafi virkilega gaman að dýrunum. En við fullorðna fólkið skemmtum okkur konunglega :D

Við þökkum æðislega vel fyrir okkur mamma mín, vildum bara að þú hefðir getað verið lengur :) Nú er bara að undirbúa sig undir heimsókn frá Bjarna á föstudaginn! :D

Kærar kveðjur frá okkur þremur
kossar
Kári, Elín og Freyja

Stelpurnar komnar!

Já þá hefur margt gerst hjá litlu fjölskyldunni, við erum öll saman á ný í litlu sætu Valby íbúðinni okkar.

Elín og Freyja komu á fimmtudaginn. Freyja svaf alla flugferðina og var voða góð, það voru svo fáir að fljúga að þær fengu heila röð fyrir sig og Freyja gat því sofið þvert á 2 sæti. Þegar Elín lenti í Köben var pínu erfið ferð út til mín, þetta er ekki alveg þægilegasti ferðamáti fyrir litla dömu og mömmu hennar því það voru engar barnakerrur til taks. Elín þurfti að halda á Freyju niður að töskunum þar sem einhver góð íslensk 6 manna fjölskylda ákvað að hjálpa henni. Þau fundu töskurnar hennar fyrir hana og kerruna og loks komust þær út til mín. Ég sat hinum megin við glerrúðuna horfði á og gat ekkert gert til að hjálpa...frekar óþægilegt :(

Freyja starði á mig í svona 2mínútur án þess að depla og var með mesta undrunarsvip sem ég hef séð á nokkrum manni :D hvað hún var að hugsa veit ég ekki, en mér dettur tvennt í hug: 1) "bíddu, eitthvað kannast ég við þennan gaur, hver er hann aftur?" og 2) "Núna læturðu sjá þig! Hvar hefur þú eiginlega verið í þennan mánuð! Sussussusss!". Kannski get ég spurt hana seinna að því :D En eftir þessar 2 mínútur af stari þá vorum við aftur rosa góðir vinur og höfum verið alla þessa daga sem búnir eru. Það er yndislegt að fá þær dömurnar mínar aftur til mín :)

Á föstudag fórum við í 4tíma IKEA session sem endaði með 3 kerrum og synjun á kortið mitt! Ég fór næstum að grenja því ég hafði haft óþægilegan grun um að e-ð þessu líkt myndi gerast alveg frá því að við stigum fæti inn í búðina. Eftir eitt stutt símtal heim (þetta var lás á einhverju áhættuþaki á úttektum erlendis...make-ar sens í rauninni) og allar vörurnar stimplaðar inn í kassan aftur þá komumst við heim á leið þar sem sendibíllinn beið okkar. Við erum búin að koma okkur ansi vel fyrir núþegar en þurfum bara nokkur ljós og smádót og þá erum við með fullkomna íbúð.

Mamma mín kemur svo á morgun í nokkurra daga heimsókn og það verður rosa næs, hlakka til að fá fólk í heimsókn :D

Nú eru myndirnar á nýju formati. Ég stofnaði svokallaðan Flickr account þar sem ég get hýst myndirnar á auðveldan hátt á netinu, nú þarf aðeins að ýta á linkinn sem ég set hérna fyrir neðan og svo ætti að vera frekar auðvelt að finna sér leið í gegnum myndaalbúmið (ýtið á fyrstu myndina og svo koma myndir hægra megin, ef ýtt er á þær er hægt að fara áfram í gegnum myndirnar). Ég get líka sett mikið fleirri myndir inn í hvert skipti :)

MYNDASYRPA 1

Ég set inn nýrri myndir innan skamms, því þessar eru svona left-overs frá íslandi og svo ein héðan.

Þúsund kossar til allra heima
Kári, Elín og Freyja

4 dagar í stelpurnar mínar

Hér er ég ennþá í Danmörku og stelpurnar mínar eru á Íslandi eeeen þær eru að koma núna á fimmtudaginn og ég er orðinn svakalega spenntur :) Elín er búin að vera að senda mér fleirri myndir og ég sé að hún er farin að gera svo margt nýtt, hún er að læra nýja hluti á hverjum degi. Núna er hún búin að fá 2 nýjar tennur sem þýðir að hún er komin með 6 tennur, hlakka til að vera bitinn í næstu viku :D

Frikki og Eva voru hér í Danmörku í heimsókn, þau gistu hjá Andra og við fórum í tívolí á föstudaginn, ég fór með Frikka í turninn því enginn annar þorði með honum, sem ég skil vel því turninn er þannig að maður sest í sæti utan á turni sem eru síðan dregin upp u.þ.b 80metra (eða meira) og þegar maður er kominn þangað og skoðar þetta glæsilega útsýni....þá....er sætunum sleppt þannig að maður dettur niður alla þessa metra(held að það sé jafnvel þrýst á mann þannig að maður fer hraðar). Þetta tæki er furðulegt því það er bæði hræðilega scary og á sama tíma fær maður svakalegt adrenalin kikk, fæturnir gefa eftir þegar maður gengur eftir á...sjáum til hort ég geri það aftur.

Nú eru bara nokkrir dagar í að við erum sameinuð aftur litla fjölskyldan, við fengum nefninlega þessa fínu íbúð í Valby sem er bara rétt utan við miðbæinn. Í götunni okkar eru mörg lítil kaffihús og litlar búðir og rétt hjá er garður sem hægt er að fara í göngutúra. Það koma myndir þaðan strax og við erum flutt inn :)

Myndir: Á fyrstu myndinni er Freyja í heimsókn hjá Huldu vinkonu Elínar sem var að eignast litla stelpu fyrir ca. mánuði síðan og Freyja er að skoða hana (sjáið hvað Freyja er orðin stór miðað við litla barnið). Næsta mynd er af Freyju í göngugrindinni sinni með svolítið skömmustulegan svip :D, Freyja kát hjá afa sínum, stundum er maður bara of þreyttur til að leika og þá er best að leggja sig aðeins :D, Freyja í nýjum fötum í sófanum hjá afa og ömmu, nývöknuð en kát eins og alltaf, tvær nýjar baðmyndir af dömunni, 2 myndir af Freyju nýkominni úr baðinu og ennþá svolítið eftir að þurrka :), Freyja að reyna að skríða! :D, kát hjá ömmu Björgu, 2 myndir af Freyju úti í garði að skoða grasið. Síðasta myndin er af Freyju að prófa nýja vagninn sinn :)




Já þá er síðasti myndapósturinn þar sem við erum ekki saman. Næst verðum við kát og hress hér í Danmörku sameinuð á ný :)

Bless í bili,
Kossar
Kári

Danmerkurpóstur nr.1

Hæ öll sömul, ég biðst afsökunar á því hve langt er síðan myndir komu inn síðast, en það er náttúrulega góð útskýring til á því. Ég er sem sagt búinn að vera hér í Köben núna í næstum 2 vikur og sakna stelpnanna minna alveg ógurlega. Ég er samt búinn að heyra í Elínu daglega(guð blessi dönsku strákana sem fundu upp skype-ið) og núna síðustu daga hef ég fengið myndir af þeim frá Elínu gegnum messengerinn.

Skólinn byrjaði vel hjá mér og fékk ég gott hrós frá kennaranum mínum sem er akkúrat það sem maður þarf eftir eins árs fjarveru. Núna er svo komið annað verkefni þar sem ég á að setja upp ljóð og reyna að myndskreyta með typografíu, sjáum til hvernig það fer.

Hér eru myndirnar af Freyju minni og Elínu :)
Fyrstu 3 myndirnar sýna Freyju að chilla í sófanum og smám saman fara að skellihlægja (ótrúlega gaman að sjá alla þessa nýju svipi sem eru að koma hjá henni, sem ég missti reyndar af...en það kemur svo margt fleirra), svo koma 3 myndir af Freyju í baði (það er orðið aðal-sportið þessa dagana :D), því næst er mynd af Freyju með annan fyndinn svip hehe, tvær myndir af henni í rúllufáknum og á þeirri seinni er hún með ENN annan svip!, 3 myndir síðan af uppáhalds skvísunum mínum í öllum heiminum, 2 af Freyju með dótið sitt og nýja svipi :D, og loks er ein mynd af Freyju í berjamó með mömmu sinni og ömmu sinni (það er rosa rólegt og gott í sveitinni :D)



Þá er þetta komið í bili, næst verða vonandi myndir af ökkur öllum 3 saman í kaupmannahöfn, ég er nefninlega að fara að kíkja á íbúð núna rétt bráðum og vonandi er hún bara fín fyrir okkur í litlu fjölskyldunni.

Kossar til allra heima, ég sakna ykkar strax og þúsund kossar til Freyju og Elínar sem ég sakna mest, ég er bara 1/3 maður hérna einn.

Kveðja frá Köben og Reykjavík,
Kári, Elín og Freyja

Brúðarmyndirnar

Já núna eru myndirnar úr brúðkaupinu komnar, þær eru ekki allar komnar en þær sem við létum taka hjá Svipmyndum voru rosa rosa góðar, fengum svona fína möppu með 18-20 myndum. Ótrúlegt en satt voru næstum allar myndirnar af mér í lagi, svo voru rosa fínar myndir af Freyju líka.

Þetta var svaka afmælisvika, Bjarni bróðir Elínar, ég og pabbi Elínar áttum allir afmæli í þessari viku. Hér á síðunni er ein mynd af Freyju að hjálpa afa sínum að opna einn pakkann.

Annars er svo mikið að gera hjá okkur að plana ferðina út til Danmerkur og því erum við kannski pínu utan við okkur í myndatökunni. En það lagast alveg örugglega.
Við erum þó ekki ennþá komin með íbúð en það kemur vonandi bráðum, það hlýtur að gera það. Við vonumst til að vera komin út fyrir a.m.k miðjan september.



Vonandi er fólk ekki farið að gefast upp á að kíkja hingað vegna þess hvað póstarnir koma stundum seint inn :)

Kærar kveðjur frá tilvonandi Danmerkurförum,
Elín, Kári og Freyja

Freyja er vinur tígra

Já við erum búin að njóta þess að vera gift síðustu vikurnar, nú er farið líka að styttast í að við förum aftur út til Danmerkur, það verður undarlegt en samt sem áður spennandi. Verst verður náttúrulega að kveðja fólkið sitt og taka Freyju burt.

Í vikunni höfum við tekið því ansi rólega, Elín gekk yfir Fossvogsdalinn í heimsókn til Margrétar frænku sinnar og við fórum í heimsókn til langafa Hallgríms og langömmu Fjólu.

Á föstudag fengum við Elín pössun og kíktum aðeins út, ég var að taka þátt í leikjadegi hjá bæjarvinnunni og Elín var að hitta Hönnu vinkonu sína sem verður kannski í Bandaríkjunum þegar við förum aftur út til Danmerkur.

Í dag fórum við til afa Marteins og ömmu Kristínu og borðuðum hádegismat og Freyja sýndi Tígra í fyrsta skipti áhuga, Tígri sýndi henni samt ekkert svo mikinn áhuga :D

Hér eru vídeó og myndir, setjið músina yfir myndirnar til að vita hvað er að gerast :)





Ástarkveðjur,
Kári, Elín og Freyja